عبير صبري: انا الوحيدة في حياة زوجي.. وصعب يخوني لأني ماليه عينه
في تصريحات تلفزيونية، تحدثت الفنانة عبير صبري، عن علاقتها بزوجها، وأنه يعيش في دبي وقد يغيب عنها لمدة شهرين، مؤكدة ثقتها به خاصة لانشغاله طيلة اليوم.
عبير صبري: اتجوزت من غير مهر ولا مؤخر
وأضافت عبير صبري : أطول مدة غاب عني فيها شهرين أو شهرين ونص، وأنا أحيانًا بيكون عندي ارتباطات في مصر فبيكون مواعيدي صعبة إني أروح دبي أو هو يكون عنده ارتباطات بقضايا في مكتبه.
وواصلت عبير صبري: بالنسبة لي أحب أشوفه طول الوقت وهو يشفوني طول الوقت، رغم أن الناس فاكرة إن غيابنا عن بعض أفضل علشان نوحش بعض، وأن العلاقة كده بتكون جميلة لكن بالنسبة لي كنت أتمنى نشوف بعض طول الوقت.
وعن إمكانية خيانة زوجها لها خاصة أنه يعيش في مكان آخر، قالت: أعوذ بالله بيكون مشغول طول اليوم، ولو أتجوز أمشي على طول وأنا الوحيدة في حياته، وأشك أنه يتجوز عليا لأنه معندوش سبب، وأنا مالية عينه وكل شيء بحياته وسادة كل الفراغات.
واستطردت: اتجوزت من غير مهر ولا مؤخر ودي حاجة متخصش الناس، وبعتقد إن الناس لما بتسيب بعض مبتكنش الفلوس أهم حاجة لأن لو زعلانة مش هيفرق معايا.
عبير صبري تتحدث عن الحجاب
على جانب آخر، ردت عبير صبري، على سؤال ماذا ستقول لسيدنا محمد -صلى الله عليه وسلم- إذا قابلته في الجنة وسألها "أتستبدلين الذي هو أدنى بالذي هو خير"، في إشارة لخلعها الحجاب، قائلة: هقوله إني ضعيفة وفي وقت ما كنت ضعيفة معرفتش أكون على قدر مسؤولية الحجاب وربنا غفر لي وأنا دلوقتي في الجنة".
وأضافت عبري صبري: الحجاب مسؤولية كبيرة، وأنا حسيت بضغوط عليا شخصية ومهنية، بس أنا طبعا زعلانة وأتمنى ألبسه تاني، ويحتاج لقوة وتحية لكل ست مكملة بيه رغم الصعوبات والفتن.
